တိပိဋကဓရ ရွေးချယ်ရေး စာမေးပွဲကြီးအကြောင်းသိကောင်းစရာအဖြာဖြာ

(ဗဟုသုတဖြစ်စေရန်နှင့်ကြည်ညိုကြစေရန်)
““ကမ္ဘာပေါ်၌ ရက်အရှည်ကြာဆုံးနှင့် အောင်မြင်ရန် အခက်ခဲဆုံး တိပိဋကဓရ ရွေးချယ်ရေး စာမေးပွဲကြီးအကြောင်းသိကောင်းစရာအဖြာဖြာ""
မြန်မာပြည်တွင် သာမက ကမ္ဘာပေါ်၌ပါ ရက်အရှည်ကြာဆုံးနှင့် အောင်မြင်ရန် အခက်ခဲဆုံးဖြစ်သည့် တိပိဋကဓရ ရွေးချယ်ရေး စာမေးပွဲကြီး၏ ပြဋ္ဌာန်းကျမ်းစာများနှင့် ရရှိသည့် ဘွဲ့များကို ဗဟုသုတ ပွားများရန်အလို့ငှာ တင်ပြချင်ပါသည်။
မြန်မာနိုင်ငံတွင် (၆၆)ကြိမ်မြောက် ကျင်းပခဲ့သည့် စာမေးပွဲတွင် ယနေ့ (၂ဝ၁၄)အထိ တိပိဋကဓရ တိပိဋကကော ဝိဒဘွဲ့ အောင်မြင်သည့် ဆရာတော်များမှာ (၁၃)ပါးမျှသာ ရှိသေးသည့် အတွက်ကြောင့်လည်း ဖြစ်သည်။ ဘုရားဟော ဗုဒ္ဓဝစနပါဠိတော်သည် စာအုပ်ရေအားဖြင့် (၄ဝ)၊ ကျမ်းပေါင်း (၅၄)ကျမ်း၊ စာမျက်နှာအားဖြင့် (၁၆၇၅၅)မျက်နှာ ရှိ၍ အဋ္ဌကထာ (၅၁)အုပ်၊ ဋီကာ (၂၆)အုပ် ရှိရာ တိပိဋကဓရ ရွေးချယ်ရေး စာမေးပွဲကြီးနှင့် ကျမ်းအစုံ (၄ဝ)လုံးပြဋ္ဌာန်းထားသော်လည်း သင်ရိုးပိဋကတ်(၃)ပုံ ကိုသာ အများအားဖြင့် ပြန်ဆိုကြ၊ ဖြေဆိုကြပါသည်။

၎င်းသင်ရိုးပိဋကတ်(၃)ပုံမှာ
(၁)ဝိနယပိဋက ပါဠိတော်(၅)ကျမ်း၊ အုပ်ရေ(၅)အုပ်၊ စာမျက်နှာ (၂၂၆ဝ)။
(၂) သုတ္တန္တပိဋက ပါဠိတော်(၃)ကျမ်း၊ အုပ်ရေ(၃)အုပ်၊ စာမျက်နှာ(၇၇၉)။
(၃) အဘိဓမ္မာပိဋက ပါဠိတော်ရှေ့ပိုင်း(၅)ကျမ်း၊ အုပ်ရေ(၄)အုပ်၊ စာမျက်နှာ (၁၄၉ဝ)၊
ပါဠိတော်နောက်ပိုင်း (၂)ကျမ်း၊ အုပ်ရေ(၈)အုပ်၊ စာမျက်နှာ(၃၅၅၁)၊
အားလုံးပေါင်း အုပ်ရေ(၂ဝ)၊ စာမျက်နှာ (၈ဝ၈၀)ရှိ ပါဠိတော်ကြီးများကို အာဂုံပြန်ဆို အောင်မြင်ပါက 'တိပိဋကဓရ'ဘွဲ့ကို ရရှိ၍ ၄င်းပါဠိတော်အသီးသီး၏ အဖွင့်ဖြစ်သော အဋ္ဌကထာ၊ ဋီကာ၊ မူလဋီကာ၊ အနုဋီကာ၊ ယောဇနာ၊ ဂဏ္ဌိစသော ကျမ်းများလာ အဓိပ္ပာယ်များကို သဘောရေးဖြေ အောင်မြင်ပါက 'တိပိဋက ကောဝိဒ'ဘွဲ့ကို ရရှိပါသည်။
ပြဋ္ဌာန်းကျမ်းစာ
ဝိနည်းငါးကျမ်းပါဠိတော်အဋ္ဌကထာဋီကာ
သုတ်သုံးကျမ်းပါဠိတော်အဌကထာဋီကာ
အဘိဓမ္မာခုနှစ်ကျမ်းပါဠိတော်အဋ္ဌကထာဋီကာတို့ဖြစ်သည်
ပါဠိတော်စာမျက်နှာပေါင်းမှာ
ဝိနည်း၅ကျမ်း စာမျက်နှာ- ၂၂၆၀
အဘိဓမ္မာရှေ့ ပိုင်း ၅ကျမ်းစာမျက်နှာ- ၁၄၉၀
အဘိဓမ္မာနောက်ပိုင်း ၂ကျမ်းစာမျက်နှာ- ၃၅၅၁
ဒီဃနိကာယ် သုတ်သုံးကျမ်း စာမျက်နှာ- ၇၇၉
စာမျက်နှာ စုစုပေါင်း- ၈၀၈၀
ကျမ်းအမည်.............. ကျမ်းရေ.................စာအုပ်ရေ
ဝိနည်း........................ ၅............................၅
ဒီဃနိကာယ်............... ၃.............................၃
မဇ္ဈိမနိကာယ်............... ၃....................... ......၃
သံယုတ္တနိကာယ်......... ၅.......................... ..၃
အင်္ဂုတ္တရနိကာယ်........ ၁၁........................... .၃
ခုဒ္ဒကနိကာယ်........... ၁၉.......................... ၁၁
အဘိဓမ္မာ................... ၇...................... ....၁၂
စုစုပေါင်း..................၅၃.........................၄၀
ထိုအုပ်ရေ၄၀ထဲမှဝိနည်း၅အုပ်
ဒီဃနိကာယ်၃အုပ်
အဘိဓမ္မာ၁၂အုပ်စုစုပေါင်းအုပ်ရေ၂၀သာပြဋ္ဌာန်းထားပါသည်၊၊
အဋ္ဌကထာ
သမန္တပါသာဒိကာ အဋ္ဌကထာ = ၀ိနည်း ငါးကျမ်းအဖွင့်
သုမင်္ဂလ၀ိလာသိနီ အဋ္ဌကထာ = ဒီဃနိကာယ် ပါဠိတော် သုံးကျမ်းအဖွင့်
အဌသာလိနီ အဋ္ဌကထာ = အဘိဓမ္မာ ဓမ္မသင်္ဂဏီ ပါဠိတော် အဖွင့်
သမ္မောဟ၀ိနောဒနီ အဋ္ဌကထာ = အဘိဓမ္မာဝိဘင်း ပါဠိတော် အဖွင့်
ပဉ္စပကာရဏ အဋ္ဌကထာ = ကျန်အဘိဓမ္မာ ငါးကျမ်း အဖွင့်တို့ဖြစ်သည်
အဋ္ဌကထာစာမျက်နှာအရေအတွက် =ဝိနည်းငါးကျမ်း(၁၄၀၄)
= ဒီဃနိကာယ်သုံးကျမ်း(၉၀၉၂)
=အဘိဓမ္မာခုနှစ်ကျမ်း(၁၄၆၁)ရှိသည်၊၊
ဋီကာစာမျက်နှာအရေအတွက်==ဝိနည်းငါးကျမ်းသာရတ္ထဋီကာ(၁၄၀၄)
==ဝိနည်းငါးကျမ်းဝိမတိဋီကာ(၆၈၄)
==ဝိနည်းငါးကျမ်းဝဇိရဗုဒ္ဓိဋီကာ((၅၈၅)ဖြစ်သည်
(မှတ်ချက် ရှေးအခါကဋီကာကျမ်းအစုံမေးသော်လည်းယခုအခါ၌ဝဇိရဗုဒ္ဓိဋီကာကျမ်းကို
မမေးတော့ပါ ရံခါအမှတ်သုံးမှတ်ဖိုးလောက်သာဝိနည်းနောက်ပိုင်းရေးဖြေအတွက်
မေးလေ့ရှိသည်၊၊)
==ဒီဃနိကာယ်သုံးကျမ်းဋီကာဟောင်း(၁၀၅၅)
==သီလက္ခန္ဓဋီကာသစ်. (၉၃၇)
==အဘိဓမ္မာခုနှစ်ကျမ်းမူလဋီကာ(၆၈၆)
==အဘိဓမ္မာခုနှစ်ကျမ်းအနုဋီကာ(၇၇၂)ဖြစ်သည်
ထိုဋီကာကျမ်းများအပြင်တောင်မြို့ဆရာတော်ရေးသား ဘာသာဋီကာမှတ်ချက်များကို
လည်းကျက်ကြရသည် ၊၊
ထိုတွင် (၁) ဝိနယပိဋက၌
(၁) ပါရာဇိကဏ်ပါဠိတော် စာမျက်နှာ (၃၈၁)၊
(၂)ပါစိတ္တိယပါဠိတော် စာမျက်နှာ(၄၇ဝ)။ အားလုံးပေါင်း (၈၅၁)မျက်နှာကို ပြန်ဆို အောင်မြင်ပါက 'ဥဘတောဝိဘင်္ဂဓရ' ဘွဲ့ရရှိပါသည်။
ဆက်လက်၍ (၃)မဟာဝဂ္ဂပါဠိတော် စာမျက်နှာ(၅၁၁)၊
(၄)စူဠဝဂ္ဂါ ပါဠိတော်စာမျက် နှာ(၅ဝ၈)၊
(၅) ပရိဝါပါဠိတော် စာမျက်နှာ(၃၉ဝ)။ အားလုံးပေါင်း (၁၄ဝ၉)မျက်နှာကို ဖြေဆိုအောင်မြင်ပါက 'ဝိနယဓရ'ဘွဲ့ကိုရရှိပါသည်။
ယင်းပါဠိတော်များ၏ အဖွင့်ဖြစ်သော
(၁)ပါရာဇိကဏ်အဋ္ဌကထာ၊
(၂)ပါစိတျာဒိ အဋ္ဌကထာ၊
(၃)စူဠဝဂ္ဂဒိအဋ္ဌကထာ၊ အားလုံးပေါင်း စာမျက်နှာ(၁၃၆ဝ)။
သာရတ္ထဋီကာ၊ ဝိမတိဋီကာ၊ ဝဇိရဗုဒ္ဓိဋီကာ၊ အားလုံးပေါင်း ဋီကာစာမျက်နှာ (၂၇၁၁)၊ လာ သဘောအဓိပ္ပာယ်များနှင့် နိဿယ
ဘာသာဋီကာ ကျမ်းများလာ အဓိပ္ပာယ်များ၏ ထက်ဝက်ခန့်ကို ဖြေဆိုအောင်မြင်ပါက ဝိနည်းရှေ့ပိုင်းရေးဖြေ အောင်မြင်သဖြင့် 'ဥဘတောဝိဘင်္ဂကောဝိဒ' ဘွဲရရှိပါသည်။
အလုံးစုံအောင်မြင်ပါက ဝိနည်းနောက်ပိုင်းပါ ရေးဖြေ အောင်မြင်သဖြင့် 'ဝိနယကောဝိဒ'ဘွဲ့ကို ရရှိပါသည်။
(၂) သုတ္တန္တပိဋကတ်၌
ဒီဃနိကာယ်(၃)ကျမ်း၊ (၃)အုပ်၊ စာမျက်နှာ(၇၇၉)၊ အာဂုံပြန်ဆို အောင်မြင်ပါက ပိဋကတစ်ပုံအောင် 'ဒီဃဘာဏက'ဘွဲ့ကို ရရှိပါသည်။
ယင်းပါဠိတော်၏ အဖွင့် အဋ္ဌကထာ (၃)အုပ်၊ စာမျက်နှာ (၉၉၂)မျက်နှာ။
ဋီကာ(၅)အုပ်၊ စာမျက်နှာ (၁၉၉၂)မျက်နှာလာ အဓိပ္ပာယ်များကို ဖြေဆိုအောင်မြင်ပါက ပိဋကတစ်ပုံ ရေးဖြေအောင် 'ဒီဃနိကာယကောဝိဒ'ဘွဲ့ကို ရရှိပါသည်။
(၃) အဘိဓမ္မာပိဋက၌ အဘိဓမ္မာရှေ့ပိုင်း(၅)ကျမ်း၊ ပါဠိတော် အုပ်ရေ(၅)အုပ်၊ စာမျက်နှာ(၁၄၉ဝ)ကို ပြန်ဆိုအောင်မြင်ပါက 'မူလအာဘိဓမ္မိက'ဘွဲ့ကိုရရှိပါသည်။
ယင်းပါဠိတော်တို့၏ အဖွင့်ဖြစ်သော အဋ္ဌကထာ(၃)အုပ်၊ စာမျက်နှာ (၁၄၆၁)မျက်နှာ။
မူလဋီကာအနုဋီကာ (၆)အုပ်၊ စာမျက်နှာ(၁၅၅၈) မျက်နှာလာ အဓိပ္ပာယ်များနှင့် ဂဏ္ဍိမဓု ဘာသာဋီကာ ကျမ်းများလာ အဓိပ္ပာယ်များ၏ ထက်ဝက်ခန့်ကို ဖြေဆိုအောင်မြင်ပါက 'အဘိဓမ္မ ကောဝိဒ'ဘွဲ့ကို ရရှိပါသည်။
အဘိဓမ္မာနောက်ပိုင်း(၂)ကျမ်း၊ ပါဠိတော် အုပ်ရေ(၈)အုပ်၊ စာမျက်နှာ(၃၅၅၁)ကို ပြန်ဆိုအောင်မြင်ပါက 'တိပိဋကဓရ'ဘွဲ့ကို ရရှိပါသည်။
အလုံးစုံအောင်မြင်ပါက“တိပိဋကကောဝိဒ"ဘွဲ့ကိုရရှိပါသည်၊၊
တိပိဋက စာမေးပွဲကြီး၌ အာဂုံပြန်ဆိုပွဲနှင့် သဘောရေးဖြေ စာမေးပွဲ ဟူ၍ နှစ်ပိုင်းရှိရာ
(၁) အာဂုံပြန်ဆိုရာတွင် နံနက်ပိုင်း(၄)ကြိမ်၊ နေ့လယ်ပိုင်း(၅)ကြိမ်၊ ပေါင်းတစ်နေ့(၉)ကြိမ် ပြန်ဆိုရသည်။
တစ်ကြိမ်ကို (၂၅)မိနစ် တိတိပြန်ဆိုရ၍ (၁ဝ)မိနစ်နားပြီးက ဆက်ပြန်ရသည်။
နံနက် (၈)နာရီမှ(၁ဝ)နာရီအထိ လည်းကောင်း ၊နေ့လယ်(၁)နာရီမှ ညနေ(၄)နာရီအထိ လည်းကောင်း ပြန်ဆိုရသည်။ တစ်နေ့လျှင် ပျမ်းမျှအားဖြင့် စာမျက်နှာ(၁ဝဝ)မှ (၁၅ဝ)ခန့် ပြန်ဆိုရသည်။ တစ်ရက်လုံး (၅)ကြိမ်သာ ထောက်ရသည်။ (၅)ကြိမ်ထက် ပိုထောက်ရပါက ကျရှုံးပါသည်။ ကျမ်းတိုင်းတွင် အထောက်အမ လွတ်ကင်းသန့်ရှင်းစွာ ပြန်ဆိုနိုင်ပါက 'ဝိသိဋ္ဌ' ဟူသော ဂုဏ်ထူးတပ်၍ ဘွဲ့တံဆိပ် လှူဒါန်းသည်။
(၂) သဘောရေးဖြေ၌ (၁ဝဝ)မှတ်တန်(၁၂)ပုဒ်မေး၍ နှစ်သက်ရာ (၁ဝ)ပုဒ် ဖြေဆိုရသည်။ ဖြေဆိုချိန်မှာ နေ့လယ် (၁၂)နာရီခွဲမှ ညနေ(၄)နာရီ ခွဲအထိ ဖြစ်သည်။ ကျမ်းတိုင်းတွင် (၇၅)မှတ်ရက သာမန်ရိုးရိုးအောင်၍
(၈၅)မှတ် အထက်ကိုရလျှင်ဖြစ်စေ၊ နေ့စဉ်အနည်းဆုံး (၈ဝ)မှတ်ရ၍ ပျမ်းမျှရာခိုင်နှုန်း (၉ဝ)ရလျှင်ဖြစ်စေ 'မဟာ' ဟူသော ဂုဏ်ထူးဘွဲ့ကိုပေးအပ်ပါသည်၊၊
ပိဋကတ်တစ်ခုပုံကို အာဂုံပြန်ဆိုအောင်မြင်က အရိုးနီကနက္ကဒဏ် ထီးဖြူတော်တစ်လက်၊
နှစ်ပုံ အောင်မြင်ပါက အရိုးနီကနက္ကဒဏ် ထီးဖြူတော်နှစ်လက်၊
သုံးပုံလုံး ပြန်ဆိုအောင်မြင်ပါက အရိုးနီကနက္ကဒဏ် ထီးဖြူတော်သုံးလက်တံဆိပ်ပါရှိသော သာသနာ့ အောင်လံတော်နှင့် အောင်လက်မှတ်တို့ကို ဆက်ကပ်လှူဒါန်းခြင်းခံရသည်။
ပိဋကတ်တစ်ပုံကို သဘောရေးဖြေ အောင်မြင်က အရိုးဝါကနက္ကဒဏ် ထီးဖြူတော် တစ်လက်ပါရှိသောသာသနာ့အောင်လံတော်နှင့်အောင်လက်မှတ်၊ကုန်းလမ်းအထက်
တန်းအခမဲ့ခရီးသွားလက်မှတ်နှင့်လစဉ်ဆွမ်းဆန်တော်အလှုအဖြစ်(နဝကမ္မဝတ္ထု)တို့
ကိုအစိုးရမှလှုဒါန်းပါသည်၊၊
နှစ်ပုံအောင်မြင်ပါက အရိုးဝါကနက္ကဒဏ် ထီးဖြူတော်နှစ်လက် တံဆိပ်ပါရှိသော သာသနာ့အောင်လံတော်နှင့် အောင်လက်မှတ်၊ ကုန်းလမ်း၊ရေလမ်း အထက်တန်း အခမဲ့ ခရီးသွားလက်မှတ်နှင့် လစဉ်ဆွမ်းဆန်တော် အလှူအဖြစ် (နဝကမ္မဝတ္ထု)တို့ကို နိုင်ငံတော်အစိုးရက လှူဒါန်းပါသည်။
သုံးပုံလုံး ရေးဖြေအောင်မြင်ပါက အရိုးဝါကနက္ကဒဏ် ထီးဖြူတော်တံဆိပ် သုံးလက်ပါရှိသော သာသနာ့အောင်လံတော်နှင့် တိပိဋကဓရ တိပိဋကကောဝိဒ အောင်လက်မှတ်၊ ကုန်းလမ်း၊ ရေလမ်း၊ လေလမ်း သုံးဌာန အခမဲ့ အထက်တန်း ခရီးသွားလက်မှတ်နှင့် လစဉ် ဆွမ်းဆန်တော်တို့ကို နိုင်ငံတော်အစိုးရက ဆက်ကပ် လှူဒါန်းပါသည်။
တိပိဋကဓရ တိပိဋကကောဝိဒဘွဲ့ ရရှိပြီး အနည်းဆုံး(၅)နှစ်ရှိလျှင် နိုင်ငံတော်မှ “တိပိဋတိပိဋကဓရ ဓမ္မဘဏ္ဍာဂါရိက "ဘွဲ့တံဆိပ်တော် ဆက်ကပ်လှူဒါန်းပါသည်။
ပိဋကတ်သုံးပုံနှုတ်ငုံပြန်ဆိုပွဲမှာ စာပြန် ရက်(၁၈)ရက်ရှိ၍ (၃)ရက်ပြန်ဆို၊တစ်ရက်နားစနစ်ဖြင့် နားရက်(၆)ရက်ထည့်ပေါင်းက စာပြန်ရက်(၂၄)ရက်ရှိသည်။ ယင်းနေ့စဉ်ပြန်ဆိုမှု မှတ်တမ်းများကို စုပေါင်းစစ်ဆေး၍ အောင်စာရင်းထုတ်ပြန်ခြင်းပြုရန် နှစ်ရက် အချိန်ယူရသည်။
ထို့နောက် သဘောရေးဖြေစာမေးပွဲ(၅)ရက်နှင့် အဖြေလွှာစစ်ဆေး၊ အောင်စာရင်းထုတ်ခြင်း နှစ်ရက်ပေါင်းက စာမေးပွဲကျင်းပသည့်ရက် (၃၃)ရက်ကြာမြင့်သည့်အတွက် ကမ္ဘာပေါ်တွင် ရက်အကြာဆုံး စာမေးပွဲဟု ဆိုရမည်ဖြစ်သည်။
အထက်ပါ ပြဋ္ဌာန်းကျမ်းစာများကို အာဂုံဆောင်နိုင်ရန် သဘောရေးဖြေ အောင်မြင်ရန်မှာ တော်ရုံတန်ရုံဇွဲလုံ့လဖြင့် မရနိုင်ပေ။ ကံကလည်းတက်၊ ဥာဏ်ကလည်းထက်၊ ဆန္ဒနှင့် ဝီရိယကလည်းသွက်၊ ကျန်းမာရေးနှင့် သမာဓိကလည်း မပျက်သော သာသနာ့အာဇာနည်များသာ ပြန်ဆို ဖြေဆိုနိုင်ပေသည်။
မြန်မာပြည်တွင် ပိဋက(၃)ပုံ နှုတ်ငုံ ဆောင်တော်မူနိုင်သော တိပိဋကဓရ တိပိဋက ကောဝိဒသာသနာ့အာဇာနည် အရှင်မြတ်များမှာ
(၁)မင်းကွန်းတိပိဋကဓရ ဆရာတော် ဘဒ္ဒန္တဝိစိတ္တသာရာဘိဝံသ၊
(၂)ပခုက္ကူတိပိဋကဓရ ဆရာတော် ဘဒ္ဒန္တနေမိန္ဒ၊
(၃)ပြည်တိပိဋကဓရ ဆရာတော် ဘဒ္ဒန္တကောသလ္လ၊
(၄)ရန်ကုန်တိပိဋကဓရ ဆရာတော် ဘဒ္ဒန္တ သုမင်္ဂလာလင်္ကာရ၊
(၅)ယောတိပိဋကဓရ ဆရာတော် ဘဒ္ဒန္တသီရိန္ဒာဘိဝံသ၊
(၆)ရေစကြိုတိပိဋကဓရ ဆရာတော် ဘဒ္ဒန္တဝါယာဓိန္ဒာဘိဝံသ၊ (၇)မော်ကွန်းတိပိဋကဓရ ဆရာတော်ဘဒ္ဒန္တ သီလက္ဓန္ဓာဘိဝံသ၊
(၈) မြင်းမူတိပိဋကဓရ ဆရာတော် ဘဒ္ဒန္တဝံသပါလာလင်္ကာရ၊
(၉) မြင်းခြံတိပိဋကဓရ ဆရာတော် ဘဒ္ဒန္တမာလာလင်္ကာရ၊
(၁ဝ) မြိုင်တိပိဋကဓရ ဆရာတော် ဘဒ္ဒန္တသုန္ဒရ၊
(၁၁)ရမ္မာဝတီတိပိဋကဓရ ဆရာတော် ဘဒ္ဒန္တဣန္ဒပါလ၊
(၁၂)စစ်ကိုင်းတိပိဋကဓရ ဆရာတော် အရှင်အဘိဇာတာဘိဝံသ
(၁၃)ဘုတလင်တိပိဋကဓရဆရာတော် ဘဒ္ဒန္တဣန္ဒာစရိယတို့သာ (၆၆) ကြိမ်မြောက် စာမေးပွဲအထိတွင် (၁၃)ပါးသာ ရရှိတော်မူခဲ့ခြင်း ဖြစ်ကြောင်း တင်ပြလိုက်ရပေသည်။
အဘိဓမ္မာနောက်ပိုင်းရေးဖြေကျန်ပိဋကသုံးပုံအာဂုံဆောင်အရှင်မြတ်(၅)ပါး
တိပိဋကကောဝိဒဘွဲ့ဆွတ်ခူးရန်အဆင်သင့်ရှိနေပါသည်၊၊
ထိုဆရာတော်များမှာ
(၁)မကွေးတိပိဋကဓရဆရာတော်ဘဒ္ဒန္တကောဏ္ဍည
(၂)မြင်းမူတိပိဋကဓရဆရာတော်ဘဒ္ဒန္တပညာသိရီလင်္ကာရ
(၃)ကမ္ဘောဇတိပိဋကဓရဆရာတော်ဘဒ္ဒန္တဝီရိယာနန္ဒ
(၄)မလှိုင်တိပိဋကဓရဆရာတော်အရှင်ဝိစိတ္တာလင်္ကာရ
(၅)ယင်းမာပင်တိပိဋကဓရဆရာတော်အရှင်ဝါသေဋ္ဌာလင်္ကာရတို့ဖြစ်ပါသည်၊၊

Credit to Likeလုပ်ခြင်းဖြင့်အသိယူShareလုပ်ခြင်းဖြင့်ကုသိုလ်ယူပါ

ကျေးဇူးတင်ပါတယ်။
Be Positive! 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.