သက္ကရာဇ် ဖြိုခြင်းနှင့် ထီးသုဉ်း၊ နန်းသုဉ်း၊ မြို့သုဉ်း

သက္ကရာဇ် ဖြိုခြင်းနှင့် ထီးသုဉ်း၊ နန်းသုဉ်း၊ မြို့သုဉ်း
===========================
မြန်မာနိုင်ငံမှာ အခုသုံးနေတဲ့ သက္ကရာဇ်ကို ကောဇာ သက္ကရာဇ် လို့ ခေါ်ပါတယ်။
ပုဂံပြည့်ရှင် ပုပ္ပါးစောရဟန်းမင်း ဖြိုခဲ့တဲ့ သက္ကရာဇ်လို့ ဆိုပါတယ်။
သက္ကရာဇ်ဖြိုတယ် ဆိုတာကတော့ သက္ကရာဇ်အရေအတွက်တွေကို လျှော့ပစ်တယ်လို့ အဘိဓာန်မှာ ပြဆိုထားပါတယ်။ ဂဏန်းတွေ များလာလို့ တွက်ရချက်ရမှာ မလွယ်ကူမှာ စိုးလို့ လွယ်လွယ်ကူကူ သိနိုင်စေဖို့ ရည်ရွယ်ပြီး သက္ကရာဇ်အသစ်ကို ပြုတယ်လို့  ဆိုပါတယ်။ ကိန်းတွေ များတိုင်းလည်း သက္ကရာဇ် ဖြိုဖို့ မသင့်လျော်ပါဘူး
၁။ ရောက်ဆဲ သက္ကရာဇ်ကို တည် ၊ (၇ ) နဲ့ စား ။ အကြွင်းမဲ့ (၀)ဖြစ်ရပါမယ်။ သုည ကြွင်းရမယ်လို့ ဆိုလိုပါတယ်။
၂။ ရောက်ဆဲ သက္ကရာဇ်ကိုတည် ၊ (၁၉) နဲ့ စား ၊ အကြွင်းမဲ့ (၀)ဖြစ်ရပါမယ်။
၃။ ရောက်ဆဲ သက္ကရာဇ်ကိုတည် ၊ (၉၅ ) နဲ့ စား ၊ အကြွင်းမဲ့ (၀)ဖြစ်ရပါမယ်။
အဲဒီလို အင်္ဂါ သုံးတန်နဲ့ အနည်းဆုံး ညီမှသာ ဖြို အပ်တယ်၊ ဖြိုကောင်းတယ် လို့ ရှေးပညာရှိတွေက တွက်ကိန်းပုံစံတွေ ထားခဲ့ပါတယ်။
ကန္နီအတွင်းဝန်မင်းက ကိန်းခန်းညီအောင် ဖြိုခြင်းသာ လိုရင်းပဓာန လို့ မိန့် ဆိုခဲ့တယ်လို့ လေ့လာမှတ်သားဖူးပါတယ်။
သက္ကရာဇ်ဖြိုတာတွေနဲ့ ပတ်သက်ပြီးတော့-
၁။ အာကာရဋ္ဌမင်းကြီး လက်ထက် ကမ္ဘာဦးကာလ မှာ သက္ကရာဇ် ၁၁၄၉၇၈၅ ကို ဖြိုခဲ့ပါတယ်။
၂။ ကုသမင်းကြီးလက်ထက်မှာ သက္ကရာဇ် ၁၄၉၃၈၅၆၉ ကို ဖြိုခဲ့ပါတယ်။
၃။ အဉ္စနမင်းကြီး လက်ထက်မှာ သက္ကရာဇ် ၈၆၃၄၅ ကို ဖြိုခဲ့ပါတယ်။
အဲဒီနောက် မြတ်စွာဘုရားရှင် ပရိနိဗ္ဗာန်စံဝင်တော်မူ တဲ့အခါ သာသနာနဲ့ ကောဇာ ညီစေဖို့ အတွက်
အဇာတသတ်မင်းကြီးဟာ အရှင်မဟာကဿပနဲ့ တိုင်ပင်ပြီး သက္ကရာဇ် ၁၄၈ ကို ဖြိုခဲ့ပါတယ်။
(၁ မှ စတင် ရေတွက်စေခဲ့သည်။)
တစ်ခါ သက္ကရာဇ် ၆၂၄ ကို ရောက်တဲ့ အခါမှာ သုမုန္ဒရီ မင်းကြီးက သရေခေတ္တ၇ာပြည်မှာ ၂ ခုကို အကြွင်းထားပြီးတော့ သက္ကရာဇ် ၆၂၂ ကို ဖြိုလိုက်ပါတယ်။
အဲဒီနောက် ၅၆၂ ခုနှစ်ကို ရောက်တဲ့အခါမှာ ပုပ္ပါးစောရဟန်းမင်းကြီးဟာ ပုဂံပြည်ရဲ့သက္ကရာဇ် ၅၆၀ ကို အကြွင်း ၂ ထားပြီး ဖြိုလိုက်ပါတယ်။
[၂ ကြိမ်ဖြိုသော နှစ် ၁၁၈၂ ။၎င်းကို ရောက်ဆဲ မြန်မာသက္ကရာဇ် ထည့်ပေါင်းလျှင် အဇာတသတ်မင်း သတ်မှတ်ခဲ့သော သာသနာနှစ် ဖြစ်သည်။]
ပြီးတော့ သက္ကရာဇ် ၈၀၀ ကို ရောက်တဲ့အခါမှာတော့ မိုးညှင်းမင်းတရားကြီးက ၇၈၉-ခုနှစ်ကို ဖြိုခဲ့ပါတယ်။ ဒီအခါမှာတော့ ကိန်းခန်းမရောက်တဲ့ အတွက် မပြို မကျ လို့ ပညာရှိတွေက ရေးသားထားပါတယ်။
မိုးညှင်းမင်းတရားကြီး ဖြိုပြီးတဲ့ နောက်မှာတော့ သက္ကရာဇ်ဖြိုတဲ့ မင်းတွေ မပေါ်ပေါက်တော့တာ ယခုထက်တိုင်ပါပဲ။
ဒီရာဇ၀င်တွေဟာ အရှင် သြဘာသဘိဝံသ ရဲ့  သုတေသနသရုပ်ပြ အဘိဓာန်မှာ ရာဇ၀င် ၊ မဟာဝင်၊ သာနာဝင် ၊ ဆရာစဉ်ဆက် မှတ်တမ်းတွေကို ကိုးကားပြီး ဖော်ပြထားတာဖြစ်ပါတယ်။
ရခိုင်ရာဇ၀င်က လာတဲ့ ကောဇာ သက္ကရာဇ်ဖြိုတာတွေကိုလည်း ရခိုင်ရာဇ၀င် သုတေသီ ဆရာကြီး ဦးအောင်သာဦးက ဆောင်းပါးတွေ ရေးထားတာရှိပါသေးတယ်။
ဒါကြောင့် ဒီနေ့ မြန်မာပြက္ခဒိန်တွေမှာ ရခိုင်သက္ကရာဇ် ၊ သာသနာသက္ကရာဇ် ၊ ကောဇာသက္ကရာဇ် အစရှိသဖြင့် ၃မျိုး ၃စားတွေ့ ရတာဖြစ်ပါတယ်။
သက္ကရာဇ်ကို ဖြိုလို့ မပြိုခဲ့ဘူးဆိုရင် ဘာဖြစ်လာနိုင်သလဲဆိုတော့
အင်းဝပြည့်ရှင် မိုးညှင်းမင်း လက်ထက်မှာ သက္ကရာဇ်ဖြိုကိန်း ကြုံ တဲ့အတွက် ရဟန်းပညာရှိက ပြည့်ရှင်မင်းကို အသိပေးနှိုးဆော်ခဲ့ပါတယ်။ အဲဒီအခါမှာ ပြည့်ရှင်မင်းက
"ဖြိုကိန်းရောက်လို့ မဖြိုခဲ့ရင် ဘာဖြစ်မလဲ"လို့ မေးတော့ ရဟန်းပညာရှိက
"ဖြိုကိန်းကြုံပြီး မဖြိုခဲ့ဘူးဆိုရင် ပြည်ရွာ မငြိမ်မသက်၊ သတ္တ၀ါအပေါင်း မချမ်းမသာ ဖြစ်မယ် "လို့ သက္ကတကျမ်းရင်းတွေကို ကိုးကားပြီး မိန့် ကြားခဲ့တယ် လို့ ဆိုပါတယ်။
အဲဒီအခါမှာ ပြည့်ရှင်မင်းက သက္ကရာဇ်ဖြိုရန် သင့်ပေတယ် လို့ ပြောတော့ အမတ်ကြီး ရာဇသင်္ကြန်က ရှေးအဆက်ဆက်က သက္ကရာဇ်ဖြိုတဲ့ မင်းအဆက်ဆက်တိုင်းဟာ ဖြိုတဲ့ နှစ်မှာပဲ သက်တော်မရှည်၊ နတ်ရွာစံမြဲ ရှိကြတဲ့ သာဓကတွေကို လျှောက်တင်တဲ့အခါမှာ ပြည့်ရှင်မင်းက
"ပြည်သူပြည်သား သတ္တ၀ါများ ချမ်းသာမည့် အရေးကို သိမြင်လျက် ငါသို့သောမင်းက သေဘေးကို ကြောက်လို့  မဖြိုခဲ့သည်ရှိသော် ကမ္ဘာမကျေသရွေ့  ဥဒါန်းမော်ကွန်း တင်ရစ်ချေတော့မည်" လို့ မိန့်တော်မူခဲ့ပါသတဲ့။
အဲဒီလိုနဲ့ သက္ကရာဇ် ၈၀၀ ပြည့်မှာ ၂ခုကြွင်းထားပြီး သက္ကရာဇ် ၇၉၈ ကို ဖြိုပါတယ်။
ဖြိုပြီးတဲ့ သက္ကရာဇ်ကို မင်းမိန့် နဲ့ မသုံးမနေရ သုံးခိုင်းရပါတယ်။ ဒါပေမယ့် မိုးညှင်းမင်းဖြိုတဲ့ သက္ကရာဇ်ဟာ မပြိုဘဲ သူ့ အရင်လက်ထက်က ပုဂံ ပုပ္ပါးစောရဟန်းမင်း ဖြိုခဲ့တဲ့ သက္ကရာဇ်ကိုရော၊ မိုးညှင်းမင်းဖြိုခဲ့တဲ့ သက္ကရာဇ်ကိုရော အပြိုင်သုံးစွဲနေကြတော့ နောင်ကြာလာတဲ့အခါမှာ မိုးညှင်းမင်းဖြိုခဲ့တဲ့ သက္ကရာဇ်ဟာ ပျောက်ကွယ်သွားခဲ့ပါတယ်။ ဒါဟာ သက္ကရာဇ်မပြိုတဲ့ သာဓက တစ်ခုပါ။
သက္ကရာဇ်ဖြိုသောနှစ်၌ နတ်ရွာစံသောမင်းများ
---------------------------------------------------
သက္ကရာဇ်ဖြိုခဲ့တဲ့ မင်းတွေ အဲဒီ ဖြိုတဲ့ တစ်နှစ်အတွင်းမှာပဲ နတ်ရွာစံ အနိစ္စရောက်တဲ့ ကိစ္စဟာ ဂမ္ဘီရဆန်းကြယ် လျှို့ ဝှက် နက်ရှိုင်းတဲ့ အကြောင်းတရားတစ်ခုအနေနဲ့ ယနေ့ ထက်တိုင် တည်ရှိနေခဲ့ပါတယ်။ ရာဇ၀င်ထဲမှာ သက္ကရာဇ် ဖြို လို့ ဖြိုတဲ့နှစ်မှာပဲ နတ်ရွာစံခဲ့တဲ့ မင်းတွေကတော့
- ပုပ္ပားစောရဟန်းမင်း၊ သုမုန္ဒရီမင်း၊ စီရိစန္ဒြားမင်း ၊ သူရိယစိတြမင်း၊ စန္ဒသူရိယမင်း၊ ရာလမာယုမင်း တို့ ပါပဲ။
သက္ကရာဇ်ဖြိုပြီးရင်တော့ ဖြိုတဲ့ ပြည့်ရှင်မင်းကိုယ်တိုင်က သန်လျက်ကို စွဲမြှောက်ပြီး အမိန့် ပြန်တမ်းထုတ်ရပါတယ်။
" ယခုရောက်လာသော ဆန်းသစ်စ သက္ကရာဇ်အချိန်အခါမှ စပြီး ငါ၏ နေပြည်တော်အတွင်း၌ လည်းကောင်း ၊ ဤသက္ကရာဇ်ကို သုံးစွဲသော နေရာတိုင်း၌လည်းကောင်း အေးချမ်းသာယာ၍ ဆန်ရေစပါး ပေါများကြွယ်ဝလျက် ကာယသုခ ၊ စိတ္တသုခ နှစ်ဌာနတို့ နှင့် ပြည့်စုံနိုင်သည် ဖြစ်ကြပါစေသတည်း" လို့ မိန့် ကြားပြီး ဘုန်းသမ္ဘာရှိ ရှေးမင်းအဆက်ဆက်တို့ သုံးစွဲ တော်မူခဲ့တဲ့ အောင်လံတော်ကြီးကို လွှင့်ထူရပါတယ်။
------------------------
■ထီးသုဉ်း■
တိုင်းပြည်ရဲ့ ထီးသဖွယ် ဖြစ်နေတဲ့သူရဲ့ အနွတ္ထအမည်၊ လူခေါ် အများဆုံး အမည်ကို ရှေ့ဆုံး စာလုံးနဲ့ နောက်ဆုံးစာလုံးတို့ရဲ့ ဂဏန်းသင်္ချာကို ပေါင်းယူပါ ။ ပေါင်းလဒ်ကို ခုနက မှတ်ထားတဲ့ အကြွင်းနဲ့ ထပ်ပေါင်းပါ။ ပြီးရင်တော့ ၎ နဲ့ မြှောက်ပြီး ၈ နဲ့ စား လို့  သုညကြွင်းရင်တော့ အဲဒါ ထီးသုဉ်းတယ်လို့ ခေါ်ပါတယ်။
■နန်းသုဉ်း■
နန်းတည်ရာအရပ်အမည် သို့မဟုတ် နန်းအမည် ကို (လူခေါ် အများဆုံး အမည်ကို ) ရှေ့ဆုံး စာလုံးနဲ့ နောက်ဆုံးစာလုံးတို့ရဲ့ ဂဏာန်းသင်္ချာကို ပေါင်းယူပါ ။ ပေါင်းလဒ်ကို ခုနက မှတ်ထားတဲ့ အကြွင်းနဲ့ ထပ်ပေါင်းပါ။ ပြီးရင်တော့ ၎ နဲ့ မြှောက်ပြီး ၈ နဲ့ စား လို့  သုညကြွင်းရင်တော့ အဲဒါ နန်းသုဉ်းတယ်လို့ ခေါ်ပါတယ်။
■မြို့ သုဉ်း■
နန်းတည်တဲ့ မြို့တော် ရဲ့ အမည်ကို (လူခေါ် အများဆုံး အမည်) ရှေ့ဆုံးစာလုံးနဲ့ နောက်ဆုံးစာလုံးတို့ရဲ့ ဂဏာန်းသင်္ချာကို ပေါင်းယူပါ။ပေါင်းလဒ်ကို ခုနက မှတ်ထားတဲ့ အကြွင်းနဲ့ ထပ်ပေါင်းပါ။ ပြီးရင်တော့ ၎ နဲ့ မြှောက်ပြီး ၈ နဲ့ စား လို့  သုညကြွင်းရင်တော့ အဲဒါ မြို့ သုဉ်းတယ်လို့ ခေါ်ပါတယ်။
●ဥပမာ အနေနဲ့  သီပေါမင်း ပါတော်မူတဲ့ အချိန်ကို တွက်ကြည့်ရအောင်-
၁၂၄၇ (ခရစ် ၁၈၈၅) ခုနှစ်တုန်းက သီပေါမင်း ပါတော်မူပါတယ်။ ၁၂၄၇ ကို ၁၂ နဲ့ စားရင် ၁၁ ကြွင်းပါတယ်။ အကြွင်း ၁၁ ကို မှတ်ထားပါ။
ထီးဆိုတော့ အဲဒီ ၁၂၄၇ တုန်းက မင်းတရား ကြီးဖြစ်တဲ့ သီပေါ မင်းပေါ့ ။ သီ + ပေါ ( ၆+၅ = ၁၁ ) ရမယ် ။ အကြွင်း ၁၁ နဲ့ ပေါင်းပါ။ ၂၂ ရပါမယ် ။ ပြီးရင် ၄ နဲ့ မြှောက် ၊ ၈ နဲ့ စားရင် သုညကြွင်းပါတယ်။ အဲဒါ ထီးသုဉ်းသွားပါတယ်။
နန်းဆိုတော့ အဲဒီတုန်းက နန်းတော်ရဲ့ အမည်ဟာ မြနန်းစံကျော် ပါ။ မြ နဲ့ ကျော် ကို ပေါင်းရင် (၅+၂ = ၇) ရပါတယ်။ အဲဒီ ၇ ကို အကြွင်း ၁၁ နဲ့ ပေါင်း ပါ။ ၁၈ ရမယ်။ ပြီးရင် ၄ နဲ့ မြှောက် ၈ နဲ့ စားရင် သုညကြွင်းပါတယ်။ အဲဒါ နန်းသုဉ်းတယ်လို့ ခေါ်ပါတယ်။
မြို့ ဆိုတော့ အဲဒီ အချိန်မှာ မြို့တော် မန္တလေး ဖြစ်ပေမယ့် အဲဒီခေတ်က လူတွေ က ရတနာပုံ လို့သာ ခေါ်တာမို့ ရနဲ့ ပုံ ကို ပေါင်းရင် (၈+၅ = ၁၃ ) သို့ မဟုတ် ( ၄+၅ = ၉ ) ရပါတယ်။ အဲဒီ ကိန်း ၂ ခု လုံးကိုပဲ ၁၁ နဲ့ ပေါင်း ပါ ။ ပြီးရင် ၄ နဲ့ မြှောက်ပြီး ၈ နဲ့ စားရင် သုညကြွင်းပါတယ်။ အဲဒါ မြို့ သုဉ်းတယ်လို့ ခေါ်ပါတယ်။

ထီးသုဉ်း,နန်းသုဉ်း၊ ကြငှန်းသုဉ်း၍
မြို့သုဉ်း သုည၊ သုဉ်း သုံးဝဖြင့်
သုဉ်းရပြန်လစ်၊ သုညခေတ်ဝယ်
ဖြစ်လာရလေ၊ တို့တစ်တွေသည်
သေသော်မှတည့်၊ သြော်ကောင်း၏။
ဆီးဘန်းနီဆရာတော်
‪#‎ကျမ်းကိုး‬ –
- သက္ကရာဇ်ဖြိုသဘင် အစီအရင် (မင်းရှိန်အောင်)
- ရှင်ကောသလ္လ
- ဦးအောင်သာဦး
- ရှင်သြဘာဘိဝံသ
- ကိုဇေယံ
- ခွန်မြလှိုင်

Credit to : နည်းစနစ်ကျကျအတွေးအခေါ်

ကျေးဇူးတင်ပါတယ်။
Be Positive! 

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.